‘s Boarische Bier Roider Jackl Grüaß Gott, ös liabn Leitln, mir habn euch was gebracht, was mir uns in da Fremd drauß, zusammen haben gemacht. Es is a neues Liadl, mit an frischen Humor, es klingt oan ja beim Singa, ganz boarisch ins Ohr. Überalln is uns guat ganga, nur oans uns gfehlt hat mir: //: Des war des guate, echte, gsüffige, gschmackige, ewige, boarische Bier. :// Der Wein, der stärkt die Glieder, der Schampus steigt in Kopf, der Punsch, der wirft di nieder, der Schnaps nimmt di beim Schopf, der Tee, der macht oan Hitzn, der Kaffee, der regt oan auf, aufn Glühwein muaß ma schwitzn, koa Wasser mag ma drauf. Auf alle die Getränke recht gern verzichten wir: //: Bringts uns a Maßerl guates, echtes, gsüffiges, gschmackiges, boarisches Bier! :// Und wenn der Altboar krank is, no liegt er halt so drin, er will halt gar nix wissen, von oana Medizin. Er bringts halt net hinunter, es passt net in sein Magn, weil er scho so vui gsuffa hat, ko er nix mehr vatrogn. Wenn er amoi am Sterbbett liegt, ruft er noch voll Begier: //: Bringts ma an halbn Eimer guates, echtes, gsüffiges, gschmackiges, boarisches Bier! :// 16 Monacensia. Literaturarchiv der Stadt München Roider Jackl
RkJQdWJsaXNoZXIy Mzk4OTU=